Hekk aħjar! - Tfal edukati

Ġabra ta’ kliem li t-tfal tas-snin bikrin jixraq li jkunu jafu.

Il-Kunsill Nazzjonali tal-Ilsien Malti bil-kollaborazzjoni

tad-Dipartiment tal-Kurrikulu u t-Tagħlim Elettroniku fid-Direttorat għal Kwalità u Standards fl-Edukazzjoni

Ibagħtu l-kummenti u s-suġġerimenti tagħkom lill-Uffiċjali Edukattivi tal-Malti, f’wieħed mill-indirizzi elettroniċi t’hawn taħt:

david.agius.muscat@ilearn.edu.mt

george.mifsud@ilearn.edu.mt

david.muscat.4@ilearn.edu.mt

Tfal edukati

Fis-snin bikrin it-tfal għandhom jidraw kliem u espressjonijiet ta’ tislim. Irridu nrawmuhom jużaw lingwa sabiħa huma u jitkellmu. Għalkemm it-tfal ta’ din l-età jitkellmu l-aktar f’kuntest informali, tajjeb li ndarruhom espressjonijiet li jintużaw f’ambjenti formali.

Filgħodu ngħidu:

· L-għodwa t-tajba. / Bonġu.

Waranofsinhar ngħidu:

· Il-waranofsinhar it-tajjeb.

Filgħaxija u billejl ngħidu:

· Il-lejl it-tajjeb.

Għat-tislimiet t’hawn fuq, inwieġbu:

· Lilek ukoll. / Tant ieħor.

Meta xi ħadd jagħtina xi ħaġa, ngħidu:

· Grazzi.

Biex nitolbu xi ħaġa, ngħidu:

· Jekk jogħġbok.

Biex niskużaw ruħna, ngħidu:

· Skużi. / Skużani.

· Aħfirli, ma nerġax.

Meta nirringrazzjawhom, inwieġbu:

· M’hemmx imniex. / Xejn.

Meta jċemplilna xi ħadd, ngħidu:

· Ħelow. Min int, jekk jogħġbok?

Meta niltaqgħu ma’ xi ħadd, nistaqsuh:

· Kif int?

Meta jagħtas xi ħadd, ngħidulu:

· Evviva. / Il-Bambin miegħek.

Qabel l-ikla ta’ nofsinhar u ta’ filgħaxija, ngħidu:

· L-ikla t-tajba.

Meta nkunu se nħallu lil xi ħadd, ngħidulu:

· Saħħa. / Ċaw.